أَکَلَ یَأْکُلُ أَکْلاً باب نَصَرَ جس کا مطلب کھانا ہے۔
اگر أَکِلَ یَأْکَلُ أَکَلاً باب سَمِعَ سے ہوتو اس کا مطلب دانت یا لکڑی کا کھوکھلا ہوکر گرجانا۔
لہذا أکل کا مطلب یہ ہے کہ کسی چیزکو چبا کر کھا لینا لہذا جو چیز بغیر چبائے نگل لی جائے اسے مأکول نہیں کیا جاتا۔ قرآن مجید میں سورۃ الفیل میں ہے کہ
’’جیسے (جانوروں کا) کھایا ہوا بھوسا۔‘‘
الْأُکُل کا لفظ عمومی طور پر پھلوں کے لئے ہوتا ہے لیکن درحقیقت درختوں اور پودوں سے جو کچھ بھی کھایا جائے الْأُکُل کہلاتا ہے ۔ قرآن مجید میں جنت کے متعلق ہے۔
’’اس کے پہل ہمیشہ رہیں گے۔‘‘
صاحب تاج العروس نے کہا کہ : وسیع رزق ، عقل اور رائے اور وزنی عقل کو بھی الْأُکُل کہتے ہیں ۔ (تاج العروس)
اس کے بنیادی معنی ویسے تو کھانے کے ہیںلیکن اس کے مجازی معنی میں کسی چیز کو لینے کیلئے بھی آتے ہیں جیسا کہ قرآن مجید میںہے ۔
’’یعنی سود مت لو۔‘‘
اس کے ایک مطلب سود نہ کھانے کا بھی بیان کیا جاتاہے جوکہ اردو زبان میںاستعمال کیا جاتاہے۔
راغب اصفہانی نے ایک مقام پر لکھا کہ : اکل مال سے مراد انفاق مال ہے اس لئے کہ مال کا بیشتر مصرف کھانے پینے او ر معاشی ضروریات سے متعلق ہوتاہے۔(مفردات)
ابن فارس نے کہا ہے کہ اس مادہ کے بنیادی معنی بتدریج کم ہونا ہیں کیونکہ جس چیز کو کھایا جائے وہ کم ہوجاتی ہے۔
الإِکْلَۃٌ اور الآکِلَۃٌ کا مطلب خارش بھی لیا جاتاہے ۔ الآکِلَۃٌ سے مراد وہ بیماری جو عضو کو گلا دے۔
أبو الفضل نے غریب القرآن میں لکھا کہ أُکُلٌ سے مرتبہ کھانا، اڑانا ، ضائع کرنا یا حریصانہ طریقے سے کھانا۔
قرآن مجید میں اس کے درج ذیل مشتقات استعمال ہوئے ہیں۔
یہ لفظ قرآن مجید میں درج ذیل مفاہیم میں استعمال ہواہے۔
۱۔ پھل
اللہ تعالیٰ کا ارشاد ہے
’’دونوں باغ اپنا پھل خوب لائے۔‘‘
اور سورۃ الرعد میں ہے ۔
’’اس کے پھل (میوہ)اور سایہ ہمیشگی والے ہیں۔‘‘
’’پھر بھی ہم ایک کو ایک پر پھلوں میں برتری دیتے ہیں۔‘‘
۲۔کھانا
اللہ تعالیٰ نے سورۃ الأعراف میں فرمایا :
’’پھر جس جگہ سے چاہو دونوں کھاؤ۔‘‘
۳۔جلانا
’’جب تک وہ ہمارے پاس ایسی قربانی نہ لائے جسے آگ کھا جائے (یعنی جلا دے)۔‘‘
۴۔استئصال
’’اس کے بعد سات سال نہایت سخت قحط کے آئیں گے وہ اس غلے کو کھا جائیں گے۔ یعنی استئصالا۔‘‘
۵۔پھاڑ کھانا
’’مجھے یہ خدشہ لگا رہے گا کہ تمہاری غفلت میں اسے بھیڑیا کھا جائے۔‘‘
۶۔ نگلنا
’’میں نے خواب میں دیکھا ہے کہ سات موٹی فربہ گائیں جن کو سات لاغر دبلی پتلی گائیں نگل رہی ہی۔‘‘
۷۔ بغیر حق مال غصب کرنا
’’جو لوگ ناحق ظلم سے یتیموں کا مال غصب کرکے کھا جاتے ہیں۔‘‘
۸۔انتفاع یعنی مستفید ہونا
’’اے لوگو! زمین میں جتنی بھی حلال اور پاکیزہ چیزیں ہیں انہیں کھاؤ ۔‘‘
۹۔ رزق
’’تو یہ لوگ اپنے اوپر سے اور نیچے سے رزق پاتے اور کھاتے ہیں۔‘‘
ہر سال دنیا یہ تو دیکھتی ہے اور حساب لگاتی ہے کہ سعودی عرب نے…
رسول اللہ ﷺنے مکہ مکرمہ سے مدینہ منورہ تشریف لانے کے بعد اپنی حیات مبارکہ…
قارئین ذی وقار! کافی عرصہ سے اس روایت پر لکھنا چاہ رہا تھا لیکن دوسری…
جب سيدنا عمر رضى اللہ عنہ كو ابولؤلؤ فيروز مجوسى نے نيزہ مارا تو آپ…
زخمی زخمی عمر فاروق جب وصیتیں کر رہے تھے تو سیدنا علی آنسوؤں بھری آنکھیں…
میں تاریخ سے لڑنا نہیں چاہتا اگر تاریخ کہے سیدنا حسین رضی اللہ عنہ کا…