فضیلۃ الشیخ ضیاء الرحمن المدنی رحمہ اللہ کو اللہ تعالیٰ نے گوناگوں صفات سے متصف کیا تھا۔ آپ بیک وقت بہترین منظم، کامیاب مدرس ہونے کے ساتھ ساتھ تقریر وبیان میں بھی ید طولیٰ رکھتے تھے۔ آپ کی گفتگو انتہائی سادہ مگر قرآن وحدیث کے جواہر ولعل سے مزین ہوتی۔ آپ مخاطبین کی نفسیات اور حالات کا مکمل ادراک رکھتے ہوئے خطاب فرماتے تھے۔ قرآن وحدیث سے منفرد نکات کا استشہاد واستدلال آپ کے لطیف طرز استنباط کا مظہر ہوا کرتا تھا۔ مجلۃ اسوئہ حسنہ حضرۃ المدیر کے بیانات کو افکارِ ضیاء کے نام سے سلسلہ وار اپنے قارئین تک پہنچانے کا عزم رکھتا ہے امید ہے کہ قارئین اس سے زیادہ سے زیادہ استفادہ کریں گے۔
تمام تعریفات توصیفات تسبیحات تحمیدات طیبات صلوات تکبیرات تمجیدات اچھے کلمات اللہ تبارک و تعالی کے لیے ہیں درود و سلام نبی اکرم ﷺکی ذات گرامی کے لیے جو ہمارے آقا ہیں رہبر ہیں رہنما اسوہ ہیں، مثال ہیںاور نبی اکرم ﷺکی پیروی میں ہی ہماری نجات ہے ۔
علم کی فضیلت کے سلسلے میں میں نے آپ کے سامنے ایک آیت پڑھی ہے جبکہ آیات تو کتاب اللہ کے اندر علم کے متعلق سینکڑوں کی تعداد میں ہیں بلکہ بعض لوگوں نے علم اور علم سے متعلق مشتقات کے بارے میں آیتیں گنی تو یہ تقریباًسات سو سے زیادہ آیتیں کتاب اللہ کے اندر پائی جاتی ہیں یہ جو آیت میں نے آپ کے سامنے پڑھی ہے تلاوت کی ہے یہ سورہ آل عمران میں سے ہے اس میں اللہ تبارک و تعالی نے علم والوں کو اس سلسلے میں اور اس لڑی میں پرویا ہے جس سلسلے کے اندر اللہ تبارک و تعالی فرشتوں اور اولو العلم کو ایک ہی سلسلے میں بیان کیا ہے اور یہ علم کی اہمیت پر دلالت کرتی ہے اور یہ آیت توحید جیسی حقیقت کو جاننے کے لیے اور اس پر عمل کرنے کے لیے نہایت ضروری ہے کہ بڑی سے بڑی بات ہو چھوٹی سی چھوٹی بات ہو اس پر عمل کرنے کے لیے علم ضروری ہے اسی لیے امام بخاری رحمہ اللہ نے ایک باب باندھا ہے:
ہر بات سے پہلے جو ہے وہ عمل کرنے سے پہلے علم ضروری ہے اور علم کا تعلق بنی نوع انسانیت سے اس کی پیدائش سے ہی ہے بلکہ اس کی ابتدا سے ہے اللہ تبارک و تعالی نے فرشتوں کے مقابلے میں جب آدم علیہ السلام کو سجدہ کرنے کا حکم دیا گیا تو یہی بیان کیا گیا کہ آدم علیہ السلام کو جو اللہ تبارک و تعالی نے فضیلت بخشی ہے وہ اس علم کی بنا پر بخشی ہے اور نبی اکرم ﷺکے اوپر جو پہلی وحی اتری ہے اور اس کے اندر بھی نبی اکرم ﷺکو یہی کہا گیا ہے کہ
کہ انسان کو اللہ تبارک و تعالی نے وہ سکھایا ہے جو انسان جانتا نہیں ہے تو علم جو وہ (من جانب اللہ )ہے اللہ تبارک و تعالی کی طرف سے ہے اور نبی اکرم ﷺکو اللہ تبارک و تعالی نے تنبیہ کی ہے کتاب اللہ کے اندر کہ اگر علم کے علاوہ کسی چیز کی پیروی کی جائے گی تو وہ خواہشات نفس ہے ۔
کہ اگر علم کے مقابلے میں (جو من جانب اللہ) ہے کسی اور چیز کی پیروی کی جائے گی تو وہ خواہشات نفس ہیں اور اگر انسان خواہشات نفس کی پیروی کرتا ہے آپنی مرضی کرتا ہے تو اللہ تبارک و تعالی کے علاوہ کوئی بھی اس کا نہ مددگار ہو سکتا ہے نہ کوئی دوست ہو سکتا ہے تو اس دنیا میں زندگی گزارنے کے لیے علم کے بغیر کوئی چارہ کار نہیں ہے نبی اکرم ﷺکی حدیث ہے:
’’علم حاصل کرنا ہر مسلمان پر فرض ہے ۔‘‘نبی اکرم ﷺکی یہ بھی حدیث مدنظر رہنی چاہیے۔
جو بھی علم کے راستے پر چلتا ہے بالاخر اس راستے کا اختتام یا منزل جو ہے وہ جنت ہے کہ جو بھی اللہ تبارک و تعالی کے لیے علم حاصل کرنے کے لیے نکلتا ہے اور اگر اس راستے کے اندر اسے موت آ جاتی ہے تو اس کے اور جنت کےدرمیان میں صرف موت ہے نبی اکرم ﷺنے جو احادیث کے اندر علم کی فضیلت بیان کی ہے قران مجید میں تو 700 مرتبہ سے زیادہ ہے احادیث کے اندر تو علم کی جو فضیلت نبی اکرم ﷺنے بیان کی ہے تو اسے تو گنا نہیں جا سکتا جو سب سے اس لحاظ سے نبی اکرم ﷺنے جو علم کی فضیلت بیان کی ہے میرا علم کے مطابق اس حدیث سے بڑی حدیث کوئی نہیں ہے جو نبی اکرم ﷺنے یہ کہا کہ
ایک عالم کو اللہ تبارک و تعالی نے اس قدر فضیلت دی ہے جس طرح مجھ نبی اکرم ﷺکو فضیلت عطا کی ہے تم میں سے کسی ادنی صحابی کے اوپر یعنی نبی اکرم ﷺنے صاحب علم کو اس قدر بڑا مقام دے دیا ہے کہ اس کے بارے میں جو ہے وہ تصور نہیں کیا جا سکتا اور پھر یہی تک نہیں ہم یہ آیت جو ہے وہ بہت زیادہ تلاوت کرتے ہیں ہر خطبے کے اندر تلاوت کی جاتی ہے
کہ بے شک اللہ تبارک و تعالی اور اس کے فرشتے نبی اکرم ﷺپر درود بھیجتے ہیں۔
کہ اے ایمان والو آپ بھی وہ کام کریں جو اللہ تبارک و تعالی اس کے فرشتے سرانجام دے رہے ہیں یہ اس پیرائے میں اللہ تبارک و تعالی نے نبی اکرم ﷺکا ذکر جو ہے وہ کیا ہے کتاب اللہ کے اندر نبی اکرم ﷺنے اسی انداز میں اصحاب علم کا ذکر کیا ہے کہ بے شک اللہ
بے شک اللہ تبارک و تعالی اور اس کے فرشتے اور جو کچھ اسمانوں میں ہے جو کچھ زمین میں ہے اور پھر نبی اکرم ﷺنے اس حدیث کے اندر بطور مثال بھی جو ہے وہ بیان کیا یہاں تک کہ مچھلی سمندر کے بیچ کے اندر یہاں تک کہ چیونٹی سوراخ کے اندر وہی لفظ ہے وہاں پر ہے یہاں پہ نبی ﷺنے استعمال کیا ہے ایک ہی الفاظ ہیں کہ درود بھیجتے ہیں دعائیں کرتے ہیں جو لوگوں کو خیر کی بات بتاتا ہے یہ بڑی عظیم حدیث ہے وہاں پر صرف اور صرف قران مجید میں اللہ تبارک و تعالی کا ذکر کیا گیا ہے اور فرشتوں کا ذکر کیا گیا ہے یہاں پر نبی اکرم ﷺنے اللہ تبارک و تعالی کا بھی ذکر فرمایا ہے فرشتوں کا بھی ذکر فرمایا ہے اور اس کے ساتھ ساتھ آسمانوں میں تمام مخلوقات کا ذکر کیا ہے اور زمین کے اندر تمام مخلوقات کا ذکر کیا ہے اور کہا ہے کہ وہ دعائیں مانگتے ہیں جو لوگوں کو خیر کی بات بتاتا ہے نبی اکرم ﷺآپ جانتے ہیں کسی بھی چیز کی زیادتی نقصان دہ ہوتی ہے لیکن نبی اکرم ﷺکو یہ حکم دیا گیا ہے کہ
کے نبی اکرم ﷺیہ دعا کیجئے کہ اللہ تبارک و تعالی ہمیں بہت زیادہ علم نصیب فرما تو یہ احادیث اور وہ ایات اس بات پر دلالت کرتی ہیں کہ یہ علم حاصل کرنا ہر مسلمان پر فرض ہے اس میں کوئی استثناء نہیں ہے مذکر مونث کی استثناءنہیں ہے چھوٹے بڑے کی استثناءنہیں ہے اور انسان کو پوری زندگی حصول علم میں گزار دینی چاہیے اس لیے کہ جس قدر بھی علم حاصل کر لیا جائے وہ تھوڑا ہی ہے۔
ہمیں جو بھی علم دیا گیا ہے وہ تھوڑا سا اللہ تبارک و تعالی کے بہت سارے خزانوں میں سے تھوڑا سا ہے اور جس قدر علم کے ساتھ نسبت بڑھتی چلی جاتی ہے اسی قدر عمل کے اندر رسوخ آتا چلا جاتا ہے اسی قدر بہتری آتی چلی جاتی ہے اسی قدر جو ہے انسان کا تعلق اللہ تبارک و تعالی سے بڑھتا چلا جاتا ہےکہ عبداللہ بن مبارک رحمہ اللہ سے کہا گیا کہ آپ ہمارے درمیان میں کیوں نہیں بیٹھتے آپ کو معلوم ہے کہ عبداللہ بن مبارک رحمہ اللہ جو ہے تابعین میں سے تھے (خیر القرون)میں سے تھے تو انہوں نے بڑی خوبصورت بات کہی کہا کہ مجھے نبی اکرم ﷺاور صحابہ کرام کے ساتھ بیٹھنے سے فرصت ملے تو میں آپ کے ساتھ بیٹھا ہوں اس کا مطلب یہ تھا کہ میں جب احادیث پڑھ رہا ہوتا ہوں تو اس طرح ہے جس طرح میں رسول اللہ ﷺکے ساتھ بیٹھا ہوں جب میں سیرت صحابہ کا مطالعہ کر رہا ہوتا ہوں تو اس طرح ہے جس طرح میں صحابہ کرام کے ساتھ بیٹھا ہوں تو میں وہ جو پیرائے میں یہ بات کی جا سکتی ہے کہ جو کتاب اللہ کی تلاوت کر رہا ہوتا ہے تو دراصل اللہ تبارک و تعالی سے باتیں کر رہا ہوتا ہے اللہ تبارک و تعالی کے ساتھ اس کا تعلق جڑ جاتا ہے اور جو احادیث رسول اللہ ﷺپڑھ رہا ہوتا ہے تو ویسے ہی ہے جس طرح رسول اللہ ﷺکی صحبت میں بیٹھا ہے جو سیرت صحابہ کا مطالعہ کر رہا ہوتا ہے اسی طرح ہے جس طرح وہ صحابہ کرام کے درمیان میں بیٹھا ہوا ہے اسی لیے قران مجید میں یہ بات کی گئی ہے کہ
دراصل اللہ تبارک و تعالی سے ڈرنے والے لوگ تو صرف اور صرف علماء ہی ہیں تو اس علم حاصل کرنے سے عمل کے اندر رسوخ پیدا ہوتا ہے اور رسوخ کے ساتھ ساتھ جو ہے خشیت بھی جو ہے وہ بہت ضروری ہے اور اللہ تبارک و تعالی چاہتے ہیں کہ اس سے ڈرا جائے اور حقیقت ڈرتے وہی ہے جو علم رکھتے ہیں کرتے وہی ہیں جو رکھتے ہیں اور جس قدر علم میں اضافہ ہوتا چلا جاتا ہے اسی قدر جو ہے وہ خشیت میں اضافہ ہوتا چلا جاتا ہے اللہ تبارک و تعالی سے دعا ہے کہ اللہ تبارک و تعالی ہمیں ان باتوں کو سمجھنے کی توفیق عطا فرمائے اور ان کے اوپر عمل کرنے کی توفیق اور عطا فرمائے ۔
وآخر دعوانا عن الحمد لله رب العالمين۔آمين
قسط نمبر : 7 وقال: {وَلَا تَقُولُوا ثَلاثَةٌ انتَهُوا}[النساء: 171]وقال: {وَلا تَقُولُوا لِمَنْ أَلْقَى إِلَيْكُمُ…
آٹھ مواقع جب ملائکہ آپ کے لیے دعا کرتے ہیں، ان مواقع کو کثرت سے…
قَالَ رَحِمَهُ اللهُ: شیخ الاسلام محمد بن عبدالوہاب رحمہ اللہ کہتے ہیں: بِسْمِ اللهِ الرَّحْمَنِ…
سچ ہے کہ مرد کے اوپر باہر کی ذمہ داریاں زیادہ ہوتی ہیں، لیکن بیوی…
1۔ تراویح کی وجہ تسمیہ لفظ «تراویح» عربی زبان زبان کا لفظ ہے اس کی…